SUNDAY SCHOOL KISIMNA LEH
REGISTRATION FEE PIAK DAN
MSSU Kikaihuaina dungzui in Kochuam tin ah Sunday School ah min kikhum zosia (Hotute, Zilsaktute leh Zillaite zosia huap) hin MSSU zawpna fee, kum khat â ding ah cheng 5 a piak chiat ding uh ti a hi’n, zia chungchang hi hiat buai a um nuam sek ah, ziagual hin hilchianna taklang hitiu:
1. Kochuam Sunday School Kisimna chu kum bul lim ah Kochuam Sunday School Secretary-ten a vaima thei pen ah a sukfel ngâl ding ua ngai a hi.
2. Kochuam Sunday School Kisimna chu Kochuam Sunday School Secretary in Bial Sunday School Secretary khut in pelut ngal ina.
3. Bial Sunday School Secretary chun ziagual ah Kochuamte kisimna a dawnte chu a khaikhawmna ding ah form kisiamsa mang in khâikhawm intin, Bial Kikhawmpi ah Report ina.
4. Bial Kikhawmpi in a pawm tâk Report dungzui ah chun Kochuam tinte’n amau kisimna chiat Total apat khan mi khat zel ah cheng 5 hisap chu Tualsung Sum apat in Synod Treasurer kiang in, Registration Fee ding in, Sunday School Thawlawm zawn (Form C leh Form M) ah ziklut in a submit ding uh a hi.
5. Bial Sunday School Secretary inle Bial Kikhawmpi in a pawm tâk report chu Office lam in, a vaima thei pen (May tha bei masang ngei in) a pelut ding a hi.
6. Bial Synod Treasurer in Kochuam tinte apat Sunday School thawlawm (Registration fee) a dawn chu May tha apat in Office ah a pelut pan ta ding a hi.
7. Kochuam tin in kum khat sung ahin Sunday School Thawlawm hi Office ah piaklutna ding nivei chet chet a um hi –
a. Registration fee (April/May tha apat kipelut pan ta kha) tawh,
b. Khawvel Sunday School Ni (November Pathianni masapen) thawlawm hi.
